去台灣行邊好?行肉肉園!by Green Egg Store



好多人都問,台灣都有多肉植物大棚?有!而且好大好多野睇!


去肉肉園之前,食個壽司先出發好嗎~ 呢間「佐樂壽司Omakase」 食得過呀!接近下午茶時間走入去,我包場!唔是食家,唔識講有幾好味,係有質素既!食完同腦細吹下水,我話之後要去搵多肉植物,佢地頓時兩眼發光,喺門口拎左2盆肉肉入黎,問:「是咪呢d!」但可憐2盆肉肉都得返半條肉命,於是呀腦細就捉住我一齊討論可以點樣救返肉肉..

認住呢個種死晒d肉肉既腦細!

要去既第一間肉肉場,喺酒店搭捷運再轉車,要大概一個多小時,但搭的士就只需19分鐘,車費大約NT$400。時間就是金錢,聰明既香港人19分鐘後就到了肉肉場。

呢度係一個好很大的園藝場,有花草樹木又有盆有泥土工具的大大小小既店鋪。其中一間叫「美集庭」既店鋪,入面有好多精緻的肉肉。


呢度大唔算好大,但勝在每一粒都是精品,每盆植物都令人駐足好耐。



其貌不揚的屁屁花,其實每一粒都好有觀賞價值。

呢個肉肉場比較似植物select shop, 每一粒都是一盆起2盆止,並非大棚果種令人嘩然既海量肉肉放題,所以價錢都相對地高,但依然有好野!



呢粒奇蹟兜已被我收下!

美集庭最大好處就是距離市中心好近,買完肉肉搭的士返到酒店,不過係6點既事!因場地不算大,但勝在粒粒夠精,行完肉肉區又可以喺周圍睇下其他園藝植物,而且平日下午時間去,人流不多,可以慢慢行!


肉肉場小狗

返到酒店休息完,到附近行逛下,食個一人關東煮,好滿足既一日!

極具日本地道風味的路邊關東煮店「佃权」,一個人食都覺得幸福滿瀉。

第二日既行程好忙,首先要休閒地搵間coffee shop 嘆杯咖啡,再去一個比較遠既肉肉場。


喺Fujintreecafe嘆返個醒晨早餐先。

今日要去既肉肉場喺新竹,要在台北車站坐高鐵到新竹站再轉的士(~NT$300)。因為肉肉場是在山上,路程實在有點遠,中午時間出發,大概下午2點多到達。


「福祥仙人掌」

一黎到,真係大叫尖叫呼叫:「好興奮呀!!!」超大超多肉肉同仙人掌!

好天氣+肉肉園=好心情!



成個仙人掌園可以自由活動,入面分左展售區同好多個溫室,包括景天科溫室、仙人掌科溫室、阿福花科溫室、繁殖溫室等。由於我方向感實在太差,9行當秘笈!


展售區


見到開晒花既琉璃兜,心花怒放!

er...有無人覺得好似...碌.............咩囉...

巧感動😭仙人掌園老闆真係好人又親切,直頭想叫聲爸爸😭老細見我咁有興趣,車上車落睇埋佢地既繁殖區。


揀完植物,同老闆老闆娘飲茶吹水,老細仲好人到要幫我將植物去泥包好入箱,唔駛我返到酒店夜媽媽玩泥沙😭喺肉肉園玩左4個鐘又阻人收工,老細最後車埋我出深山去高鐵站😭


然後老細個仔一樣咁熱愛仙人掌,愛到跑左去非洲各地20日睇千年仙人掌,好羨慕! 羨慕佢地生活喺深山肉肉園自己養肉繁殖住石屋,生活寫意又豁達。仲要呀哥呀仔老婆員工,個個都好熱愛仙人掌,大家講起植物趣事就滔滔不絕,真係好開心。 好快會黎探你地!


之後既時間,都係喺市中心hea 遊食好西,結束了完美的4日台灣肉肉之旅。






[ 實用資訊 ]


美集庭園藝

地址:台北市北投區立賢路295號

營業時間:8:00 AM - 6:00 PM 全年無休


福祥仙人掌

地址:新竹縣新埔鎮北平里38號

營業時間:8:00 AM - 5:00 PM 星期一公休