屁屁花種植心得 by Green Egg Store

Updated: Aug 6, 2018



photo taken by Green Egg Store

屁屁花拎返屋企一夜化水...究竟點種先種得靚仔又大粒?呢度有最簡單易明既屁屁花種植心得!


其實屁屁花係咩黎?

屁屁花即是生石花(Lithops),因為太似patpat既關係,俗稱屁屁花。屁屁花原產地黎自南非,屬番杏科既多肉植物,也被稱為石頭花。




應該幾耐淋一次水?


屁屁花拎到返屋企,主要根據環境溫濕度決定淋水節奏,泥土一定要全乾透先好淋水,每次淋水要淋透至花盆底流水。

一般喺黃昏淋水會較好,因晚上涼快,避免日頭太熱而煮熱泥土入面既水,悶壞根部。

屁屁花喺春秋2季會生長得特別快,可加快淋水節奏,呢個時候屁屁花會生長得好快,漲卜卜生得好大粒!



[Photo: greeneggstore]

屁屁花一般喺冬天開始到春天脫皮,呢個時候要斷水,忍手唔淋水。直到脫完皮完成,先恢愎淋水。[Photo: Wiki/C T Johansson]


脫皮後既屁屁花,有機會變成雙頭或三片。


屁屁花喺春秋2季會生長得特別快,可加快淋水節奏,呢個時候屁屁花會生長得好快,漲卜卜生得好大粒! [Photo: greeneggstore]



夏天咁熱,會唔會焗死屁屁花?


炎炎夏日,唔好好照顧屁屁花,的確會焗死佢地!連續幾日太熱太焗既日子,可避免淋水;連續下雨潮濕既日子,亦需避免淋水。因為淋水後,環境又不夠乾爽通風,屁屁花就會容易焗死,一晚化水!無得救了;(

當然如果實在唔忍心佢地無飯開,可以喺連續晴天既黃昏於屁屁花表面噴水,咁樣可以比佢地敷個mask,噴水量係第2朝就要乾晒既程度,記得避免喺屁屁花表面有積水。

另外,如果唔肯定夏天幾時淋得水,可一直唔淋水,直至屁屁花出現皺紋,呢個係一個缺水既信號,呢個時候淋水就安全了!夏天亦要避免太陽直射,容易曬傷或化水。


淋水後環境又不夠乾爽通風,屁屁花就會容易焗死,一晚化水!無得救了;(


屁屁花會開花嗎?


會!每到花期,屁屁花中間就會生個花苞出黎,無耐就會開出一大朵顏色鮮艷既花!一般屁屁花養到3年就可以開花了,通常大多數品種會喺10月/6月左右開花。當然開唔開花同幾時係花期,同好多因素有關係,可能係花芽分化時間養分供給唔夠或者環境不適宜,都會影響開花。當然如果過於徒長既屁屁花,花梗伸唔到出來,亦都會因為塞左喺入面開唔到花。




總結係,屁屁花需要一個通爽既種植環境,放置喺冷氣地方當然無問題,不在家時,打開窗通風,保持空氣流通。另外最好放置於窗邊,有充足日照,夏天避免太陽直射,咁屁屁花就會種得靚仔又大粒!當然淋水節奏都好重要,掌握到適當淋水節奏,屁屁花係可以一直健康種落去的!



759 views